Sekolahku syurgaku

Lamo juo den nak pikir bilo cerito bab sekolahku syurgoku ini......yolah...dah masuk setahun lobih kek SMAN ni baru den berselero nak berkungsi pongalaman den kek sinin. Bukak tahun baghu 2010 lopeh, den di arahkan bopindah ke SM Agamo Nilai. Mulo heh den sodeh yo ninggal an sekul lamo tu...yolah ...ado dokek sepuluh tahun den bertapak kek sinun.

Tapi atas arahan ketuo kito pun patuh perintah dan berhijrah ko sinin. Sekulah he ok cumo den raso an mace kelik ko zaman den jadi pelajar kek SDJ dulu. Amat kekurangan dari pelbagai sogi. Bandingkan ngan KGV sekolah ni amatlah daep...raso nyo. Selopeh setahun kek sinin...sodap lak kojo kek tompek ni...walaupun kocik banyak juo konangan tahun lopeh. Budak mati...kelas tuisyen...hompeh puleh sumo kek sekolah hasil heh dapek la PMR SABK tobaek di negori ini.....hehehe....syukur pada Yang Esa...

Banyak juolah program den pikio an dan ideo-ideo berkarat di polish balik tok di jalankan di sini....sumo-sumo eh berjayo belako....memang adalah kepuasan walaupun hanyo kito-kito yo yang raso......geng sinin ok-ok sumo heh....mudah-mudahan dapek lah den menyumbang yang terbaek kek sekulah agamao nilai ni...student kek sinin pun baik dan donga kato .......jauh bebanding sekolah lain di nilai ni mahupun di soromban nun.